Në Kosovë janë regjistruar pesë raste të reja me koronavirus. Kështu, numri total i të infektuarve në vend rritet në 140.
Instituti Kombëtar i Shëndetësisë Publike të Kosovës njoftoi gjithashtu se brenda 24 orëve janë shëruar shtatë pacientë. Numri i përgjithshëm i të shëruarve shkon në 23.
Rastet pozitive janë raste kontakti, 2 prej të cilave janë me vendbanim në Banjë -Malishevë, 1 me vendbanim në Prishtinë, 1 me vendbanim në Smrekonicë-Vushtrri dhe 1 e karantinuar.
Njoftimi i IKSHPK:
“Në Laboratorin e Mikrobiologjisë Molekulare në IKSHPK me metodën RT-PCR, janë testuar 128 mostra të marra nga rastet e hospitalizuara në Klinikën Infektive dhe nga gjurmimi i kontakteve të rasteve në terren. Nga mostrat e marra për testim në virusin SARS-CoV-2, pesë(5) prej tyre kanë rezultuar pozitive.
Sot me 04.04.2020, janë të shëruar edhe shtatë (7) pacientë derisa numri i përgjithshëm i të shëruarve deri me sot është njëzet e tre (23).
Rastet pozitive janë raste kontakti, dy (2) prej të cilave janë me vendbanim në Banjë -Malishevë, një (1) me vendbanim në Prishtinë, një (1) me vendbanim në Smrekonicë-Vushtrri dhe një (1) e karantinuar .
Nga data 08.02.2020 deri me 04.04.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 1.871 mostra të dyshimta në virusin SARS-CoV-2 dhe prej tyre, pozitive rezultojnë gjithsej 140 raste me 1 rast të vdekjes i një të moshuari 82 vjeç.
Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke iu obliguar për vetizolim dhe të kërkojnë ndihmë mjekësore nëse kanë simptome.
