Subscribe
Në Vlorë mungojnë peshkatarët vendas dhe vendin e tyre po e zënë egjiptianët. Muhamedi është njëri prej tyre i cili prej 11 muajsh punon në peshkim në ujërat e Vlorës.
Edhe pse i quan kushtet të njëjta me vendin e origjinës, ai është i kënaqur këtu.
Sipas një peshkatari të vjetër vlonjat, aktualisht në Triport ndodhen rreth 20 peshkatarë nga Egjipti.
Vendasit tregojnë se punojnë në kushte të vështira sepse u mungojnë pajisjet, uji i pijshëm, energjia elektrike, por përballen me një çmim shumë të shtrenjtë të karburantit.
Mungesa e një kantieri në këtë port peshkimi i detyron ata t’i çojnë anijet për remont në bazën e Pashalimanit duke paguar dhe kosto financiare. Për pasojë, në Triport kanë mbetur vetëm 60 anije peshkimi, nga 120 që ishin më parë.
