Kur Nikki u godit nga dhimbja në shpatull dhe të përziera, ajo supozoi se ishte duke kaluar nëpër fazat e menopauzës. Por ato ishin në fakt shenjat e një sulmi të ardhshëm në zemër – një urgjencë serioze mjekësore që po rritet në moshën nën 50-vjeçare.
Dhimbjet e papritura të gjoksit dhe mungesa e frymëmarrjes janë flamuj të kuq të njohur.
Megjithatë, agjentja e pasurive të patundshme, nga Hjustoni, Teksas, e cila nuk kishte probleme të mëparshme shëndetësore, tha se shkaktarët e pazakontë filluan afërsisht një javë para se ajo të pësonte sulmin në zemër.
Në një video në rrjetet sociale ajo ka paralajmëruar për shenjat e hershme që iu shfaqën para ngjarjes.
“Kur zgjohesha në mëngjes kisha dhimbje në shpatullën e majtë”, tha ajo.
“Më dukej sikur po flija keq, ose po më ndodhte nga perimenopauza. Pastaj një ditë para se të pësoja atakun në zemër, u zgjova në mëngjes dhe shpatulla më dhimbte përsëri.”
Megjithatë, ajo e kaloi ditën normalisht dhe iu deshën vetëm rreth 15 minuta për të kapërcyer të përzierat.
Në mëngjesin e urgjencës së saj mjekësore, pavarësisht se përjetoi të njëjtat simptoma, ajo u zgjua përsëri normalisht dhe ‘piu një kafe’. Vetëm pasi u ul, ajo filloi të ndjente shtrëngime në gjoks.
Ajo shtoi: “Dhimbja nga shpatulla filloi të më zbriste paksa poshtë krahut. I thashë bashkëshortit: “mos shko në punë, vërtet nuk ndihem mirë. Do të bëj një dush dhe do të shoh nëse kjo më ndihmon të ndihem më mirë”.
Në momentin që ajo doli nga dushi, ajo ‘ndihej më mirë’ dhe shkoi në takimin me mjekun.
Në takimin me mjekun tregova se çfarë kishte ndodhur dhe ai tha se nëse ndodh përsëri, duhet të shkoj direkt në urgjencë.
Ai nuk më rekomandoi se unë duhet të shkoja menjëherë, sepse nuk po përjetoja asnjë simptomë karakteristike dhe ata ndoshta nuk do të ishin në gjendje të shihnin se çfarë po ndodhte.
Vetëm një orë më vonë, ajo u godit papritur nga simptoma të zakonshme, duke përfshirë dhimbje të papritur, rëndim dhe një ndjesi shtrëngimi në gjoks.
‘Më dhimbte i gjithë krahu. Gjoksi më shtrëngonte aq fortë “.
“Isha brenda në spital dhe thashë: “Kam nevojë për dikë që të më shikojë zemrën në këtë sekondë”.
‘Në atë moment unë po dridhesha. Ishte një infermier, i cili më shpëtoi jetën. Ai më kontrolloi dhe brenda pak sekondash e kuptuam se kisha një atak në zemër”.
Mjekët fillimisht u befasuan nga shkaku i sulmit në zemër, pa bllokime apo pllaka të krijuara në arteriet e saj. Skanimet që nga ataku i saj në zemër kanë sugjeruar gjithashtu se ajo ka një dëmtim të qëndrueshëm në zemrën e saj për të cilën ajo po i nënshtrohet testeve të mëtejshme.
Sëmundja e zemrës përshkruhet nga një sërë kushtesh që prekin zemrën dhe enët e gjakut.Shpesh shkaktohet nga depozitat yndyrore në arterie, të cilat mund ta bëjnë më të vështirë rrjedhjen e duhur të gjakut dhe oksigjenit nëpër enët e gjakut dhe drejt zemrës. Kjo rrit rrezikun e një bllokimi, dhe rrjedhimisht goditjen në tru ose sulmin në zemër. Rritja e niveleve të obezitetit dhe problemet shëndetësore si presioni i lartë i gjakut dhe diabeti, mendohet të jetë një nga faktorët kryesorë që kontribuojnë./Përshtatur nga Dailymail
