Përkeqësimi i kushteve atmosferike ka detyruar Drejtorinë e Përgjithshme Detare që të pezullojë lundrimin e trageteve.
Për shkak të dallgëve të mëdha dhe erës së fortë, dy linjat e trageteve: Durrës-Bari dhe Vlorë-Brindisi nuk janë lejuar që të nisen drejt destinacioneve përkatëse. Linjat pritet të funksionojnë normalisht nga dita e nesërme.
Po ashtu, edhe mjeteve të vogla lundruese e atyre të peshkimit u është ndaluar dalja në det. Moti pritet të përmirësohet duke filluar nga data 9 shkurt.
