Policia ka kryer kontrolle të befasishme në lokale, ambiente dhe në akset rrugore në Shkodër me qëllim kapjen e personave që qarkullojnë me armë pa leje dhe atyre në kërkim.
Gjatë kontrolleve, Policia arreston në flagrancë një 39 – vjeçar, i cili mbante pa leje një armë zjarri pistoletë.
Prangosja e Fatjon Bajamit, 39 vjeç u bë pasi gjatë kontrolleve të befasishme në një lokal, këtij shtetasi iu gjet një armë zjarri pistoletë tip “Zastava” me krehër me 6 fishekë dhe një fishek në fole.
Dyshohet se shtetasi Fatjon Bajami ka qëlluar me armë zjarri në ajër, në lagjen “Perash” Shkodër.
