Policia e Malësisë së Madhe ka arrestuar ditën e sotme një 21-vjeçar të shpallur në kërkim për kultivim të lëndëve narkotike.
I riu me inicialet A.L., rezulton pjesë e një grupi kriminal që dyshohet se ka mbjellur një numër të kosiderueshëm bimësh narkotike në pyllin e Rrihnave, në fshatin Vermosh, të Njësisë Administrative Kelmend.
Materialet në ngarkim të tij iu referuan Prokurorisë së Rrethit Gjyqësor Shkodër për veprat penale “Kultivimi i bimëve narkotike”, “Prodhimi dhe shitja e narkotikëve”, “Moskallezim i krimit” dhe “Grup i strukturuar kriminal”.
Njoftimi i plotë i policisë: Malësia e Madhe, Shkodër
Vijon puna për kapjen e personave të shpallur në kërkim dhe vënien e tyre para përgjesisë ligjore.
Finalizohet operacioni policor i koduar “Vermoshi”.
Operacioni nga Komisariati i Policisë Malësia e Madhe në bashkëpunim me strukturat operacionale të DVP Shkodër.
Kapet dhe vihet në pranga një prej antarëve të një grupi të strukturuar kriminal në fushën e kultivimit të bimëve narkotike.
Në vijim të punës për kapjen e personave të shpallur në kërkim, nga specialistët për Hetimin e Krimeve në Komisariatin e Policisë Malësi e Madhe në bashkëpunim me Seksionin Operacional të DVP Shkodër, në bazë të informacioneve të siguruara në rrugë operative u bë kapja dhe ndalimi i shtetasit: A.L., 21 vjeç, banues në fshatin Vermosh, Malësi e Madhe.
Ky shtetas ishte i shpallur në kërkim për veprën penale “Kultivimi i bimëve narkotike” kryer në bashkëpunim , në formën e një grupi kriminal, pasi në vendin e quajtur pylli i Rrihnave, në fshatin Vermosh, Njësia Administrative Kelmend, Malësi e Madhe, në faqen e malit në një zonë të pyllëzuar, shërbimet e Policisë gjatë kontrollit të territorit kanë evidentuar dhe asgjësuar një numër të konsiderueshëm bimësh narkotike, ku dyshohet se janë kultivuar nga ky shtetas në bashkëpunim me katër shtetas të tjerë ku vijon puna intensive për identifikimin , kapjen dhe arrestimin e tyre.
Materialet iu referuan Prokurorisë së Rrethit Gjyqësor Shkodër për veprat penale “Kultivimi i bimëve narkotike”, “Prodhimi dhe shitja e narkotikëve”, “Moskallezim i krimit” dhe “Grup i strukturuar kriminal”.
…
/faxweb