Një plagosje me armë zjarri ka tronditur Kuçovën pak para mesnate, kur është qëlluar me disa plumba 24-vjeçari Denald Gryshmi.
Krimi ndodhi pas një konflikti që i riu kishte me 4 persona të tjerë. Për pasojë përplasja është përshkallëzuar deri në përdorimin e armëve, duke lënë të plagosur rëndë Gryshmin.
24-vjeçari fillimisht është dërguar në spitalin e Beratit, por për shkak se ndodhej në gjendje kritike për jetën, është transportuar menjëherë në spitalin e Traumës në Tiranë.
Autor të kësaj ngjarjeje dyshohen 4 të rinjtë që policia i ka identifikuar dhe i ka shpallur në kërkim.
Ata janë Ledio Serdari, Albion Thoma, Vasil Prendi dhe Arben Tabaku.
Sipas burimeve, konflikti mes të rinjve ka nisur përpara disa ditësh për motive të dobëta.
