Një minator ka mbetur i plagosur paraditen e së enjtes në një nga galeritë e minierës së Bulqizës. Aksidenti ndodhi në një nga galeritë private në zonën e Martaneshit. Minatori 48 vjeçar Besnik Palamani, ka qene duke transportuar vagonin me krom, kur ky i fundit ka dalë nga shinat dhe e ka zëne poshtë. Kolegët e tij kanë bërë të mundur nxjerrjen në sipërfaqe. Për shkak të plagëve të marra, ai është raportuar me helikopter ne Tirane, për mjekim më të specializuar.
