Ilustruese
Një plagosje me armë zjarri ka ndodhur mëngjesin e kësaj të shtune në Shkodër. Ngjarja është regjistruar në fshatin Mushan në njësinë administrative Dajç, ndërsa sipas policisë i plagosur ka mbetur një 24-vjeçar i identifikuar si Isak Mehmedaj, i cili është dërguar në spital, jashtë rrezikut për jetën.
Shërbimet e Policisë dhe grupi hetimor me marrjen e njoftimit janë nisur menjëherë në drejtim të vendngjarjes, dhe po punojnë për zbardhjen e rrethanave të plagosjes.
Nuk dihet nëse i riu ka pasur konflikte të mëparshme, ndërkohë që pritet të merret në pyetje nga policia për të dhënë versionin e tij të ngjarjes.
Njoftimi i policisë:
Më datë 09.10.2021, rreth orës 08:45, në Spitalin Rajonal Shkodër, ka shkuar për ndihmë mjeksore, dyshohet i plagosur me armë zjarri në rrethana ende të paqarta, jashtë rrezikut për jetën shtetasi I.M, 24 vjeç, banues në fshatin Mushan, Shkodër.
Shërbimet e Policisë dhe grupi hetimor me marrjen e njoftimit janë nisur menjëherë në drejtim të vendngjarjes.
(E.K/Faxweb.al)
…
/faxweb
