Këshilli Qendror i Organizatës për Çlirimin e Palestinës (PLO) e pezulloi vendimin për njohjen e Izraelit deri sa autoritetet e Tel Avivit ta njohin shtetin palestinez.
Që vendim të hyjë zyrtarisht në fuqi, është e nevojshme dhe konfirmimi i presidentit Mahmoud Abbas dhe Këshillit Ekzekutiv të PLO-së.
Gjithashtu, gjatë sesionit dy-ditor, Këshilli vendosi të përfundojë bashkëpunimin e tij të sigurisë dhe të pezullojë marrëveshjet ekonomike me Izraelin, siç përcaktohet nga Protokolli Ekonomik i Parisit 1994.
Në deklaratën përfundimtare të Këshillit Qendror u tha se vendimi u mor për shkak se Izraeli vazhdon të thotë se nuk zbaton marrëveshjet e nënshkruara më parë dhe nuk i përmbush detyrimet e tij.
Të dielën, Abbas përsëriti edhe një herë se ai do të bllokonte çdo plan paqeje të presidentit amerikan Donald Trump.
Ai e krahasoi planin e pritshëm “Trump” me Deklaratën Balfour të vitit 1917, në të cilën Qeveria e Mbretërisë së Bashkuar mbështeti krijimin e një shteti hebre në vendin e Palestinës.
Në dhjetor të vitit të kaluar, Trump vendosi të njohë Jerusalemin për kryeqytetin e Izraelit, duke e transferuar ambasadën amerikane në qytetin e shenjtë.
