Është shpallur fituesi për një nga vendet vakante të Gjykatës së Apelit në Këshillin e Lartë Gjyqësor.
Mësohet se Emona Muçi do të zëvendësojë në këtë post Brikena Ukperaj.
Mbledhja e Përgjithshme e Gjyqtarëve ka votuar për Gentiana Muçajn si anëtaren më të re të Këshillit të Lartë Gjyqësor.
Muçaj vjen nga Shkalla e Parë e Juridiksionit të Përgjithshëm.
Ditën e sotme(9 Tetor), mbledhja e Përgjithshme e Gjyqtarëve do të zgjedhë tre përfaqësues të rinj në Këshillin e Lartë Gjyqësor, për shkak të mbarimit të afatit të anëtarëve aktualë.
Përfaqësuesit e rinj do të zëvendësojnë Brikena Ukperajn nga Gjykata e Apelit dhe Dritan Hallunaj e Marçela Shehu nga Shkalla e Parë, të cilëve u përfundon mandati.
Kandidatët që do të votohen nga kolegët janë Emona Muçi e Irida Kacerja nga Apeli i Juridiksionit të Përgjithshëm dhe Alma Kodraliu, Gentiana Muçaj e Markelian Koça nga gjykatat e Shkalles së Parë.
KLGJ ka në total 240 gjyqtarë, teksa kanë nënshkruar sot praninë në mbledhje 236 gjyqtarë, të cilët morën pjesë në votim