Vihet në pranga 49-vjeçari qe ndihmoi autorin e plagosjes së ndodhur ditën e premte ne Fier , të largohej nga vendi i ngjarjes.
Në vijim të veprimeve për ngjarjen e ndodhur ditën e djeshme, në lagjen “11 janari”, ku mbeti i plagosur me armë zjarri shtetasi D. M., 50 vjeç, efektivet e Fierit arrestuan në flagrancë shtetasin Bejo Hoxhaj, 49 vjeç, banues në Mallakastër, për veprën penale “Përkrahja e autorit të krimit”.
Ai ka qënë I fshehur gjatë këtyre orëve në një zonë të thellë të Mallakastrës.
Nga hetimet ka rezultuar se ky shtetas ka ndihmuar autorin e ngjarjes, shtetasin Altin Nika. alias Marko Veizaj, 52 vjeç, të largohej nga vendi i ngjarjes.
Në cilësinë e provës materiale u sekuestruan automjeti me të cilin është larguar autori, brenda të cilit u gjetën 1 armë zjarri pistoletë, 1 krehër, 12 fishekë dhe 1 pistoletë paralizuese.
Vijon puna intensive për kapjen dhe ndalimin e 52-vjeçarit.
Dyshohet se mes autorit që përdorte dy identitete Altin Nika. alias Marko Veizaj si dhe të plagosurit kishte pazare të pambyllura jashtë vendit për aktivitete ilegale.
