Po me atë “Lulin” tjetër si do t’ia bëjnë?”/ Patozi “i shqetësuar” për demokratët

astrit-patozi.jpg

Ndajeni këtë artikull me të tjerë duke klikuar ikonat më poshtë

Ish-kreu i Bindjes Demokratike, Astrit Patozi ka komentuar situatën në Partië Demokratike dhe shprehet “I shqetësuar” për demokratët.

Përmes një postimi në rrjetet sociale, Patozi ngre pyetjen se ccfarë do të bëjnë demokratët me atë që do të pasojë kreun e PD, Lulzim Basha nëse ai jep dorëheqjen. Me ironi Patozi shkruan se mbase do ta presin edhe nja 12 vjet të tjera, derisa të binden se ai nuk do ta tradhtojë kurrë doktorin.

Sipas tij, 31 vjet pluralizëm në Shqipëri nuk kanë mjaftuar për të mësuar se në një vend demokratik duhet të bësh një herë partinë dhe pastaj të zgjedhësh kryetarin.

“PO ME ATË “LULIN” TJETËR SI DO T’IA BËJNË?Përpiqem t’i kuptoj ata demokratë apo ish-demokratë të mërzitur, që janë ngazëllyer aq shumë dhe kanë nisur të ndjehen gjallë nga rikthimi në fushë i doktorit. Edhe adrenalinën apo motivimin e fortë, që prodhon idea e hakmarrjes për shumicën e tyre, se më në fund po afrohet dita e shpagimit për “besëprerin” Lulzim Basha.

Por e zemë për një çast se do t’u plotësohet ëndrra, ndonëse nuk ka ndonjë shenjë që kryetari me letra i PD ta çojë nëpër mend të dorëzojë çelësat, edhe sikur takimet e Berishës t’i shkojnë në oborrin e selisë.Puna është se çfarë do bëjnë me atë “Lulin” tjetër, që do vijë pasi ta heqin këtë “liderin e thyer” peng të Edi Ramës. Mbase do ta presin edhe nja 12 vjet të tjera, derisa të binden se ai nuk do ta tradhtojë kurrë doktorin.Me sa duket, 31 vjet pluralizëm në Shqipëri nuk kanë mjaftuar për të mësuar se në një vend demokratik duhet të bësh një herë partinë dhe pastaj të zgjedhësh kryetarin. Këta duan të zgjedhin një herë kryetarin, që ai pastaj t’u rregullojë apo t’ua bëjë ndoshta nga e para partinë.

Dhe për shkak të këtij keqkuptimi i kanë rënë shkurt, u janë falur të gjithë foltores, njësoj si ata të pafatët në bashkëjetesë, që pasi i provojnë të gjitha, martohen prapë me gruan e pare”, shkruan Patozi.

Ndajeni këtë artikull me të tjerë duke klikuar ikonat më poshtë