Pogradeci përfshihet në projektin e mirëmbajtjes dhe sigurisë rrugore. Përfaqësues nga “Projekti i Mirëmbajtjes dhe Sigurisë Rrugore” dhe ARRSH-së, zhvilluan të martën një takim në sallën e mbledhjeve të Këshillit Bashkiak Pogradec.
Projekti u prezantua në mënyrë të detajuar, ku përfaqësuesit e tij shpalosën efikasitetin sesi do ndikojë në të mirën e komunitetit. Dobia kryesore e tij është se do të rritë sigurinë rrugore dhe të përdoruesve të saj.
Po kështu ka reduktimin e kostos dhe rritjen e efikasitetit në sigurinë rrugore. Një përfitim tjetër nga projekti është përmirësimi i cilësisë të punës dhe mirëmbajtjes rrugore krahas promovimit në ruajtjen dhe përmirësim e aseteve.
Burime nga ky takim thanë se projekti rrit edhe menaxhimin e rrisqeve si dhe mundëson identifikimin e menaxhimin më mirë të problemeve mjedisore dhe sociale.
Kryetari i bashkisë Eduard Kapri, i pranishëm në takim së bashku me Prefektin Dhori Spirollari u shpreh që me nisjen e këtij projekti, situata ka nisur të përmirësohet dukshëm dhe theksoi se ky bashkëpunim do vijojë më intensiv me qëllim një shërbesë sa më të mirë ndaj komunitetit.