Policia e Shtetit ofron 20 mijë euro shpërblim për këdo qytetar që jep informacion të dobishëm për lokalizimin dhe arrestimin e autorit të plagosjes së efektivit të “Shqiponjave”. Policia njofton se është vënë në ndjekje të tij, ku janë angazhuar “Shqiponjat”, “RENEA” dhe “, shërbimet e Forcës së Posaçme Operacionale.
Autori i dyshuar, Klered Bozhanaj, 38 vjeç, qëlloi me dy plumba në bark efektivin e “Shqiponjave”, gjatë kontrollit. Në momentin e ngjarjes, 38-vjeçari kishte veshur tuta dhe bluzë gri, tuta dhe kapele të zezë.
Policia njofton se autori i dyshuar është i armatosur, ndërsa fton qytetarët të bashkëpunojnë për kapjen e tij.
“DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 20000 euro, për çdo informacion të vlefshëm që do të çojë në kapjen e autorit.
Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi”, njofton policia.
Mëposhtë fotoja e autorit të dyshuar:
