Policia gjermane ka kryer bastisje në shkallë të gjerë në disa shoqata muslimane që dyshohet se janë të lidhura me regjimin iranian, transmeton Anadolu.
Ministria e Punëve të Brendshme njoftoi se bastisjet u kryen në kuadër të një hetimi mbi aktivitetin e Qendrës Islamike në Hamburg (IZH) dhe pesë grupeve të tjera që dyshohet se kryenin aktivitete kundër rendit kushtetues në Gjermani.
“Për të sqaruar më tej këtë dyshim dhe për të siguruar prova, gjithsej 54 prona në shtatë shtete federale janë kontrolluar që nga ora 6 e mëngjesit me urdhër të gjykatave administrative përgjegjëse”, njoftoi ministria gjermane.
Më tej, ministria tha se autoritetet e sigurisë po ashtu po hetonin pretendimet se IZH-ja mbështet aktivitetet e Hezbollahut, duke shtuar se grupi ishte klasifikuar si një organizatë terroriste dhe aktivitetet e tij janë të ndaluara në Gjermani.
Ministria gjermane pretendoi se aktivitetet e IZH-së kishin për qëllim përhapjen e ideologjisë revolucionare të regjimit iranian dhe tha se grupi kishte ndikim të madh ose kontroll të plotë në disa shoqata dhe xhami në të gjithë vendin.
Bastisjet u kryen në Hamburg, Saxony, Hesse, Baden-Württemberg, Bavari, Berlin dhe Rhine-Westphalia Veriore.
Burimi: AA
