Skip to content

Policia i ‘këput’ shpresat fierakut që po përgatitej të mbillte drogë, i shkon në banesë dhe i vë prangat. I gjendet edhe armë

Ndajeni këtë artikull me të tjerë duke klikuar ikonat më poshtë

Policia e Fierit ka arrestuar shtetasin Pirro Hamzaraj, për të cilin kishte të dhëna se po përgatitej të mbillte bimë narkotike.

Gjatë kontrollit të banesës së Hamzarajt, Policia gjeti dhe sekuestroi në cilësinë e provës materiale, një armë zjarri (pistoletë me mulli), një armë gjahu, municion luftarak dhe tri qese me lëndë narkotike cannabis sativa, në formë boçeje, me peshë rreth 1.3 kilogramë.

Njoftimi i policisë:

Vijojnë kontrollet masive të territorit, për parandalimin dhe goditjen e veprimtarisë kriminale në fushën e narkotikëve.

Finalizohet operacioni policor antidrogë i koduar “Continuance”.

Operacioni, nga Seksioni për Hetimin e Narkotikëve, në bashkëpunim me Komisariatin e Policisë Fier, me mbështetjen e Njësisë Operacionale në Drejtorinë Vendore të Policisë Fier.

Gjatë operacionit janë sekuestruar drogë, armë zjarri dhe armë gjahu.

Është vënë në pranga 49-vjeçari që posedonte drogën dhe armët.

Në vijim të kontrollit masiv të territorit, bazuar në informacionet e marra në rrugë operative për një shtetas që posedonte armë zjarri e drogë, si dhe dyshohej se po përgatitej për të kultivuar bimë narkotike, Policia e Fierit ka organizuar dhe finalizuar operacionin policor të koduar “Continuance”.

Në kuadër të operacionit, falë veprimeve të shpejta operacionale, shërbimet e Policisë kapën dhe arrestuan në flagrancë shtetasin P. H., 49 vjeç, banues në Cakran, Fier.

Gjatë kontrollit të banesës së shtetasit P. H., Policia gjeti dhe sekuestroi në cilësinë e provës materiale, një armë zjarri (pistoletë me mulli), një armë gjahu, municion luftarak dhe tri qese me lëndë narkotike cannabis sativa, në formë boçeje, me peshë rreth 1.3 kilogramë.

Materialet proceduriale i kaluan Prokurorisë pranë Gjykatës së Shkallës së Parë Fier, për veprime të mëtejshme, për veprat penale “Prodhimi dhe shitja e narkotikëve, “Prodhimi dhe mbajtja pa leje e armëve luftarake dhe municionit” dhe “Prodhimi dhe mbajtja pa leje e armëve të gjuetisë dhe sportive”.

/faxweb

Ndajeni këtë artikull me të tjerë duke klikuar ikonat më poshtë