Skip to content

Policia Kufitare sekuestron mbi 17 mijë euro të padeklaruara, procedohet 31-vjeçari

9197ffd5 539a 490e 9af3 b68472d042e0

Policia Kufitare në Rinas ka sekuestruar mbi 17 mijë euro të padeklaruara. Në njoftim thuhet se paratë po tentoheshin të kaloheshin në kufi nga një shtetas 31-vjeçar. Ndaj këtij të fundit ka nisur procedimi penal.

 

“Në vijim të kontrolleve, shërbimet e Policisë gjetën në çantën e shtetasit E. H., 17 550 euro, të cilat ky shtetas tentonte t’i fuste në vendin tonë pa i deklaruar konform ligjit. Në përfundim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasin E. H., 31 vjeç, banues në Librazhd, për veprën penale “Mosdeklarimi në kufi i të hollave dhe sendeve me vlerë”, thuhet në njoftim.

 

Shuma e parave u sekuestrua në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqesor Tiranë, për veprime të mëtejshme.