Policia e Tiranës ka arrestuar ka arrestuar disa persona të cilët akuzohen për vepra të ndryshme penale, nga dhuna në familje deri tek trafiku i drogës.
Gjithashtu dy të rinj me iniciale shtetasve K. N., 20 vjeç dhe Xh. M., 25 vjeç kanë rënë në prangat e policisë e cila gjatë kontrolleve në banesën e këtyre të fundit në “Don Bosko” ka sekuestruar një sasi lënde narkotike kanabis e ndarë në doza, gati për shitje, një armë të ftohtë dhe një peshore elektronike.
Gjithashtu policia e kryeqytetit njofton se dy persona kanë qëlluar me sende të forta një qytetar në Tiranë, tek një kompleks pallatesh tek Rruga e Kavajës. Bëhet e ditur se më 27 shtator u referuan materialet në Prokurorinë pranë Gjykatës së Shkallës së Parë Tiranë, për G. Xh, 38 vjeç dhe R. Xh, 31 vjeç.
Njoftimi i plotë i Policisë:
Specialistët e Seksionit për Hetimin e Korrupsionit në DVP Tiranë në bashkëpunim me specialistët e Njësisë FAST ALBANIA në DPPSH bënë kapjen dhe ekzekutimin e vendimit penal të shtetasit A. K., 40 vjeç, pasi Gjykata e Posaçme e Shkallës së Parë për Korrupsionin dhe Krimin e Organizuar Tiranë, ka caktuar masën e sigurisë “Arrest me burg”, për veprën penale “Korrupsioni pasiv i personave që ushtrojnë funksione publike”, i kryer në bashkëpunim.
Specialistët e Seksionit për Hetimin e Narkotikëve bënë arrestimin në flagrancë të shtetasve K. N., 20 vjeç dhe Xh. M., 25 vjeç, pasi në rrugën “Don Bosko” gjatë kontrolleve fizike, banesave dhe të ambientit perreth ku u konstatuan këta dy shtetas, sherbimet e Policisë gjetën dhe sekuestruan një sasi me lëndë narkotike kanabis, e ndarë në doza, gati për shitje, një armë të ftohtë dhe një peshore elektronike.
Nga specialistët për Hetimin e Krimit në Komisariatin e Policisë Nr. 1 u bë ndalimi i shtetasit M. R., 32 vjeç, i shpallur në kërkim për veprën penale “Dhuna në familje”.
Po nga specialistët për Hetimin e Krimit në Komisariatin e Policisë Nr. 1 u bë arrestimi në flagrancë i shtetasit F. K., 40 vjeç, pasi ka ushtruar dhunë fizike ndaj bashkëshortes.
Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit L. T., 28 vjeç, pasi nga kontrolli i ushtruar në mjetin e tij, sherbimi i Forcës së Posaçme “Shqiponjat” gjeti dhe sekuestroi një armë të ftohtë(përforcues grushti).
Nga specialistët për Hetimin e Krimit në Komisariatin e Policisë Nr. 4 u bë ndalimi i shtetasit A. K., 42 vjeç, pasi ka vjedhur biçikletën dhe një paisje shtëpiake shtetasit B. K.
Specialistët për Hetimin e Krimit në Komisariatin e Policisë Kavajë bënë arrestimin në flagrancë të shtetasit M. D., 34 vjeç, pasi gjatë kontrollit të ushtruar në mjetin e tij, iu gjet dhe iu sekuestrua një sasi me lëndë narkotike kokainë.
•Më datë 28.09.2021, u referuan materialet në Prokurorinë pranë Gjykatës së Shkallës së Parë Kavajë, për shtetasin R. M., 56 vjeç, pasi në fshatin Lekaj, Rrogozhinë, duke pastruar barishtet me anë të zjarrit, nga pakujdesia, zjarri ka marrë përmasa, dhe janë djegur një sipërfaqe tokë djerrë dhe një sipërfaqe vreshta.
•Më datë 27.09.2021, u referuan materialet në Prokurorinë pranë Gjykatës së Shkallës së Parë Tiranë, për shtetasit G. Xh, 38 vjeç dhe R. Xh, 31 vjeç, sepse mbremjen e djeshme, në Rrugën e Kavajës, tek kompleksi i pallateve “Delijorgji”, kanë goditur me sende të forta, shtetasin A. Xh.
Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.
…
/faxweb
