Policia spanjolle ka konfiskuar një plantacion të madh kanabisi në provincën veriore Navarra dhe ka arrestuar tre kultivues të dyshuar, njoftoi Garda Civile e Spanjës.
Garda Civile tha se plantacioni prej 415 hektarësh ishte më i madhi i këtij lloji në Evropë.
Sipas policisë, pronari ka deklaruar se prodhimi i tij ishte për përdorim industrial. Por hetuesit dyshuan se rrënjët e kanabisit po dërgoheshin në Zvicër dhe Itali për t’u kthyer në kanabidiol, ose CBD, prodhimi i të cilit është i paligjshëm në Spanjë.
Policia shkatërroi 415.00 rrënjë, vlera e të cilave llogaritet në rreth 30 milionë euro. Palët e treta në vendet e huaja më pas do t’i përpunonin bimët në kanabidiol, ose CBD, me vlerë rreth 100 milionë euro, tha policia spanjolle.
Tre persona u arrestuan në Navarra dhe dy të tjerë janë nën hetim në rajonin fqinj të vendit Bask.
Burimi: AA