Kryebashkiaku Erion Veliaj ka falënderuar 60 zjarrfikësit të cilët luftuan gjatë gjithë natës për të vënë nën kontroll flakët në zonën e Priskës, në një terren tejet të vështirë.
Me anë të një postimi në Twitter, Veliaj ironizon Metën, duke theksuar se teksa politikanët që veç kanë ndezur zjarre 30 vjet kritikonin punën e tyre mes birrave në pushim të ndeshjeve skoceze, heronjtë e zjarrfikëses së Bashkisë Tiranës shmangën një rrezik për banorët.
“Faleminderit 60 Zjarrfikësve heronj! Teksa politikanët që veç kanë ndezur zjarre 30 vjet, kritikonin punën e tyre mes birrave në pushim të ndeshjeve skoceze, heronjtë e Zjarrfikëses së Bashkisë Tiranë e gdhinë në Priskë në terren të thepisur duke shmangur rrezikun për banorët”, shkruan Veliaj.
Kujtojmë se presidenti Ilir Meta reagoi mbrëmjen e kaluar me shqetësim për zjarrin që kishte përfshirë zonën e Priskës në Tiranë.
Presidenti Ilir Meta iu ka bërë thirrje autoriteteve të marrin masa të menjëhershme për të neutralizuar zjarrin në Priskë, të Tiranës.
Falemnderit 60 Zjarrfikesve heronj! 🚒
Teksa politikanet qe veç kane ndezur zjarre 30 vjet, kritikonin punen e tyre mes birrave ne pushim te ndeshjeve skoceze, heronjte e Zjarrfikeses @BashkiaTirane e gdhine ne Priske ne terren te thepisur duke shmangur rrezikun per banoret!🙏🏻❤️ pic.twitter.com/7hXpbobEkV
— Erion Veliaj #MedCapitalCulture2025 🇪🇺🇦🇱 (@erionveliaj) September 13, 2020