Rritja e e madhe çmimit të energjisë elektrike, ka shkaktuar reagime të shumta. Qytetarë, aktivistë, gazetarë, politikanë të opozitës, kanë nxjerr pjesë nga arkiva ku shihet se si kryeministri aktual Albin Kurti, hëngri fjalët e veta sa i përket energjisë elektrike.
Në vitin 2015, Kurti dhe VV kishin deklaruar:
“Zyra e Rregullatorit deri tani është sjellë si zyrë kontabiliteti e kompanisë private KEDS/KESCO. Zyra e Rregullatorit do të duhej të mbronte interesin e qytetarëve duke mos i rritur çmimet”.
Një komunikatë e tillë dhe ngjarje është fshirë nga arkiva e VV-së, por populi e ka skrinshotuar këtë para se partia në pushtet ta fshinte nga arkiva online:
Kryeministrit Kurtiu iu publiua edhe një sekuencë e famshme e kryeministrit aktual, kur bënte fushatë duke premtuar uljen e çmimit të rrymës.
Ndërkohë, tani Qeveria e udhëhequr nga Kurti ia ka aprovuar ZRRE-së shtrenjtimin e rrymës dhe i dha 75 mijë euro nga taksat e qytetarëve për subvencionimin e energjisë.
Kryeministri Kurti i dha popullit dy opsione për rrymën, në dhjetorin e kaluar: reduktime ose shtrenjtim të rrymës.
“Në këtë situatë nuk ka zgjidhje të mirë: ose reduktime të energjisë, ose shtrenjtim të energjisë?”, hamendësoi dhe pyeti njëherish, mjaft qartë kryeministri.
Sot, në një përgjigje shkurt dhënë gazetarëve lidhur me shtrenjtimin e rrymës, Kurti tha se ‘e kupton këtë brengë’ teksa ka njoftuar konferencë për media në orën 15:00 bashkë me ministren Artane Rizvanolli për siç tha ‘qëndrimin e Qeverisë lidhur me këtë çështje’.
Dy parti të opozitës në Kosovë (AAK dhe PSD), kanë paralajmëruar se mund të organizohen protesta kundër rritjes së çmimit të rrymës. LDK i tha Periskopit se për këtë çështje diskuton dhe vendosë Kryesia. /Periskopi/