Kreu i Partisë Demokratike Sali Berisha ka komentuar miratimin e projektit të Durrësit një natë më parë në Kuvend, pas një séance maratorë prej më shumë se 14 orësh diskutime dhe debate.
Në konferencën e përjavshme me gazetarët, Berisha tha se ajo që ndodhi mbrëmë në parlament, ata që e ndoqën, patën rastin të dëshmojnë më shumë se kurrë solidaritetin në krim të pseudomazhorancës socialiste.
“Ata votuan për grabitjen e portit të Durrësit nga Edi Rama dhe klani i tij. Rama miratoi një ligj special për veten e tij.
Është detyrim i medieve që të bëjnë transparent këtë zhvillim dramatik.
Dy vite më parë, Edi Rama u deklaroi shqiptarëve se porti i Durrësit do shndërrohet në marinën më të madhe në Mesdhe dhe porti i ri do ndërtohet në Porto Romano po nga kompania Emaar.
Pra do ndërtonte marinën dhe portin e ri të Shqipërisë. Kjo ishte deklarata e tij, jeni të lutur që ta merrni dhe t’ua paraqisni shqiptarëve të vërtetën”, është shprehur Berisha.
