Armenia i ka bërë thirrje Azerbajxhanit rivali rajonal që të lirojë të gjithë robërit e luftës pesë muaj pas përfundimit të luftimeve mbi rajonin e Nago-Karabakut.

“Ky problem nuk është zgjidhur,” tha kryeministri Armen Nikoll Pashinyan në një takim me presidentin rus Vladimir Putin në Moskë të mërkurën, duke shtuar se Armenia “për fat të keq ende ka të burgosur në Azerbajxhan”.

Përveç kësaj, ai vuri në dukje se shkëmbimi i ushtarëve dhe civilëve të kapur ishte rënë dakord në një marrëveshje midis dy vendeve nëntorin e kaluar, ndërmjetësuar nga Rusia.

Azerbajxhani tha që të gjithë të burgosurit u lanë të lirë në përputhje me marrëveshjen, por Ministria e tyre e Jashtme gjithashtu tha se “luftëtarët e dërguar nga Armenia në Azerbajxhan” pas përfundimit të luftimeve mbi rajonin e Nago-Karabakut nuk ishin të mbuluar nga marrëveshja.

Në një konflikt të shkurtër midis 27 shtatorit dhe 9 nëntorit të vitit të kaluar në Nago-Karabak, Azerbajxhani rifitoi pjesë të mëdha të territorit që humbi në fillim të viteve 1990.

Më shumë se 6,000 njerëz u vranë në konflikt. Armenia e konsideron Rusinë një mbrojtëse me të gjitha forcat e saj, ndërsa Azerbajxhani mbështetet nga Turqia.