Ishte kthyer në makthin e ish-të fejuarës së tij dhe tentonte me çdo kusht që ti prishte imazhin dhe për këtë arsye, një i ri nga Vlora u denoncua në polici.
Gjatë kësaj të mërkure u bë arrestimi i 27-vjeçarit S.K., banues në Vlorë.
Ndalimi i tij u bë pasi nga hetimet e kryera ka rezultuar se S.K, për motive të dobëta ka përndjekur ish-të fejuarën e tij dhe ka hapur adresa të rreme në rrjetet sociale, me qëllim prishjen e imazhit të saj.
Pikërisht për shkak të shqetësimeve të krijuara dhe problemeve të hapura, ku në adresat false synonte diskretitimin e imazhit të vajzës, e reja kërkoi ndihmën e policisë.
Kështu 27-vjeçari u arrestua nën akuzën e veprave penale “Përndjekja” dhe “Ndërhyrje pa të drejtë në jetën private”.