Ulja e temperaturave vijon të na shoqërojë gjatë këtyre ditëve të muajit pranveror.
Reshjet e shiut dhe dëborës kanë qenë prezente në një pjesë të territorit.
Qyteti i Vlorës është përfshirë nga reshjet e shiut, ndërsa në nivelin e 800 metra mbi nivelin e detit ka pasur reshje dëbore.
Kështu, qafa e Llogorasë ka pasur prezenë të dëborës.
Por sipas burimeve nga kontraktori i mirëmbajtjes së rrugës, reshjet e dëborës nuk kanë krijuar probleme në qarkullim.
Borëpastrueset kanë qenë në terren, ku dhe është hedhur kripë për të shmangur ngricat në akset rrugore.