Kandidati i pavarur për zgjedhjet presidenciale në Shtetet e Bashkuara të Amerikës, Robert F. Kennedy Jr., ka zgjedhur Nicole Shanahan për kandidaturën e tij, dhe kandidatura e tij e pavarur duket se ka trembur demokratët, raportojnë mediat.
Nicole Shanahan, 38 vjeçe, është një avokate dhe filantropiste nga Kalifornia, e cila kurrë nuk ka mbajtur ndonjë post publik.
Ajo drejton Fondacionin Bia-Echo, një organizatë që themeloi për çështje të tilla si shkenca riprodhuese e grave, reforma e drejtësisë penale dhe mjedisi.
Kennedy, një ish-demokrat, shpalli zgjedhjen e zëvendëspresidentes në Oakland, Kaliforni. “Unë dhe Nicole u larguam të dy nga Partia Demokratike. Vlerat tona nuk kanë ndryshuar. Partia Demokratike është”, tha Kennedy.
Pa mbështetjen e partisë, Kennedy përballet me një detyrë të vështirë për të hyrë në garë për shkak të rregullave të ndryshme në 50 shtetet.
Kennedy emëroi kandidaten zëvëndëse sepse gati gjysma e shteteve kërkojnë që kandidatët presidencialë ta bëjnë këtë para se të hyjnë në garë dhe të kenë të drejtë të jenë në fletëvotim.
Duket se fushata e Kenedy-t ka trembur disi demokratët që po përpiqen të fitojnë favorin e “palëve të treta”, pra atyre që mund të mbështesin kandidatin demokrat Joe Biden ose republikanët dhe kandidatin e tyre gjithnjë e më të sigurt Donald Trump.
Biden dhe Trump, të cilët hynë në një “rematch” të zgjedhjeve të mbajtura në 2020, janë kryesisht të papëlqyeshëm për publikun amerikan dhe do të duhet të përballen me shumë votues që nuk janë entuziastë për asnjërin prej tyre.
Kennedy është pasardhës i një familjeje të njohur demokratike me ndikim dhe të pasur, më të famshmit prej të cilëve ishin babai i tij Robert F. Kennedy, i cili ishte senator, prokuror i përgjithshëm dhe kandidat presidencial amerikan, si dhe xhaxhai i tij, ish-presidenti amerikan John F. Kenedi. Të dy u vranë në atentate.
Robert F. Kennedy Jr. ishte adoleshent kur babai i tij, i njohur si RFK, u vra gjatë fushatës presidenciale të vitit 1968. RFK Jr. ndërtoi reputacionin e tij si një aktivist, shkrimtar dhe avokat duke luftuar për shkaqe mjedisore si uji i pastër.
