Presidenti Ilir Meta ka shpallur këtë të martë listën me 13 kandidat, të cilët do të garojnë për vendin vakant në Gjykatën Kushtetuese, i krijuar pas largimit të Altina Xhoxhajt.
Presidenca përmes një njoftimi bën me dije se aplikantët do t’i dërgohen Këshillit të Emërimeve në Drejtësi për t’iu nënshtruar procesit të verifikimit sipas procedurave ligjore.
“Pas përfundimit të afatit të aplikimit për “Vendin vakant” gjyqtar në Gjykatën Kushtetuese, vakancë e plotë kjo që krijohet më datë 25.05.2019, e shpallur me Dekretin nr. 11133, datë 04.03.2019, të Presidentit të Republikës, rezulton se kanë aplikuar shtetasit e mëposhtëm:
Z.Alban Brati
Znj. Arta Vorpsi
Z.Avni Shehu
Znj. Elsa Toska
Znj. Fiona Papajorgji
Z.Ilir Mustafaj
Znj. Irena Reso
Znj. Kestrin Katro
Z.Klodian Rado
Z.Kostandin Kazanxhi
Znj. Marsida Xhaferllari
Znj. Mimoza Qinami
Znj. Valbona Bala (Pajo)”
Ndërkohë tashmë lista e aplikantëve do të dërgohet menjëherë pranë Këshillit të Emërimeve në Drejtësi për verifikim dhe vlerësim sipas ligjit.