Subscribe
Pas artikulimit të tezës nga Pandeli Majko se presidenti Ilir Meta mund të jetë një nga negociatoret për zgjidhjen e krizës dhe pas shtrirjes së dorës zyrtarisht nga Kryeministri Edi Rama për dialog me opoziten, ka folur dhe kreu i shtetit.
I pyetur nga mediat, Ilir Meta as ka pohur dhe as ka mohuar angazhimin e tij për thirrur një tryezë të partive, por ka dërguar nje mesazh për dialog.
Besoj mesazhi i 2 marsit është më se aktual: Duhet të punojmë për bashkim dhe bashkëpunim, jo vetëm çdo 2 Mars e 28 Nëntor, por çdo ditë, në mënyrë që ta fitojmë mundësinë për çeljen e negociatave në qershor, bashkë edhe me Maqedoninë e Veriut.
Pyetje: Zoti Basha sapo tha se takimi do të jetë vetëm me qytetarët, me askënd tjetër. E ka refuzuar ftesën e zotit Rama.
Presidenti Meta: Nuk kam asnjë koment sot. I vetmi apel është për bashkëpunim, për bashkim, për reflektim për të parë më larg.
Të njëtin mesazh, Meta e përforecoi gjatë fjalës së mbajtur në samitin e Diasporës, në takimin e mbajtur në Lezhë, në përkujtim të 575 vjetorit të Beslidhjes. I frymëzuar nga kjo ngjarje, ai kërkojë që palët të dialogojnë për vendin.
Gjatë këtij takimi, kreu i shtetit nderoi me dekorata disa figura te njohura te diaspores per kontributin e tyre ndaj vendit.