Presidenti Recep Tayyip Erdoğan zhvilloi bisedë telefonike me presidentin e Ukrainës, Volodymyr Zelenskyy.
Sipas njoftimit të Drejtorisë së Komunikimeve të Presidencës turke, në bisedë janë diskutuar zhvillimet e fundit të luftës Rusi-Ukrainë.
Erdoğan ka deklaruar se vizioni për një zgjidhje diplomatike duhet të mbahet gjallë në çdo rrethanë dhe është shprehur se Turqia është e gatshme të japë çdo kontribut të nevojshëm për përfundimin e luftës përmes negociatave.
Presidenti Erdoğan ka falënderuar Zelenskyy-n për mesazhin e tij të ngushëllimit për shpërthimin e javës së kaluar në minierën e qymyrit në Bartın.
Burimi: AA
