Presidenti gjerman: sërish ky apo një i ri?

steinmeier-epa.webp.webp

Ndajeni këtë artikull me të tjerë duke klikuar ikonat më poshtë

Partia më e madhe opozitare e Gjermanisë ka thënë se do të mbështesë rizgjedhjen e presidentit Frank-Walter Steinmeier, duke i hapur rrugën mandatit të tij të dytë.

Kreu në largim i Unionit Kristian Demokrat (CDU) Armin Laschet tha se partia dhe motra e saj Unioni Kristian Social (CSU) kanë vendosur të mbështesin Steinmeierin sepse vendi ka nevojë për një “zë të besueshëm që i bashkon njerëzit dhe nuk i margjinalizon” në kohë tensionesh dhe ndarjesh të nxitura nga pandemia.

Më parë, disa politikanë të CDU-së, partia e ish-kancelares Angela Merkel, mbrojtën emërimin e një gruaje për postin e presidentit gjerman, e cila do të zgjidhet në një seancë të posaçme të parlamentit më 13 shkurt.

Gjermania nuk ka pasur presidente deri më tani.

Megjithatë, shanset që Gjermania të kishte një president të ri u zhdukën kur të Gjelbërit, si e fundit nga tre partitë në qeverinë e re, mbështetën gjithashtu mandatin e dytë të Steinmeier.

Asambleja e presidentit të zgjedhur përbëhet nga anëtarë të dhomës së ulët të parlamentit dhe përfaqësues të 16 provincave gjermane.

Presidenti aktual 66-vjeçar, i cili prej kohësh është anëtar i Partisë Socialdemokrate të Gjermanisë, gëzon respekt të madh në skenën politike.

Ai njoftoi në maj se do të kandidojë për një mandat të dytë.

Presidenti gjerman ka pak fuqi ekzekutive, por konsiderohet një autoritet i rëndësishëm moral.

Ndajeni këtë artikull me të tjerë duke klikuar ikonat më poshtë