Sot, Kosova dhe jo vetëm përkujton ish-presidentin historik, Ibrahim Rugova, i cili nda nga jeta më 21 Janar, 2006.
Kreu i Partisë së Lirisë, Ilir Meta përmes një postimi në rrjetet sociale, ka përkujtuar 18-vjetorin e vdekjes së Rugovës, ku ka shprehur nderimet e tij, bashkangjitur një fotoje, të një takimi që kanë mes tyre.
Meta shkruan se vizion euroatlantik i këtij burri të madh shteti për Kosovën e lirë dhe të pavarur, por edhe modeli i urtësisë dhe largpamësisë që na trashëgim do të mbeten frymëzim për mbrojtjen e çështjes kombëtare.
Postimi i plotë:
Në ditën e kalimit të Tij në përjetësi nderojmë me mirënjohje dhe respekt kujtimin dhe veprën e paharruar të Presidentit historik të Kosovës, Ibrahim Rugova.
Vizioni euroatlantik i këtij burri të madh shteti për Kosovën e lirë dhe të pavarur, të integruar plotësisht në BE dhe në NATO, për forcimin e paqes dhe bashkëjetesës në rajonin tonë, por edhe modeli i urtësisë dhe largpamësisë që na la trashëgim do të mbeten përherë frymëzim për mbrojtjen e çështjes kombëtare!
