Nga Lushnja ku ishte i pranishëm në ceremoninë e homazheve në nderim të Dëshmorëve të Atdheut, Taulant Balla foli edhe në lidhje me zgjedhjen e Presidentit të ri të Republikës. Për t’ju përgjigjur pyetjeve të gazetarëve, drejtuesi politik i Qarkut të Fierit tha se një President I mirë duhet të jetë një emër që të pranohet nga gjithë shqiptarët. Balla tha gjithashtu se raundi I parë për zgjedhjen do të zhvillohet më 16 Maj.
A jeni gati të miratoni një president nga PD nëse do të ketë një kandidatur? Balla: Mendoj që një President nga opozita, sikurse ishte Ilir Meta ishte zgjedhja më e gabuar. Sikurse ne e kemi thënë që nuk duam një president nga PS. Mendoj një president i mirë duhet të jetë nje president që të pranohet nga të gjithë shqiptarët, sepse keshtu e ka përcaktuar Kushtetuata, Presidenti përfaqëson unitetin e popullit. Besoj i keni ndjekur sondazhet.
Raundi i parë për zgjedhjen e Presidentit të Republikës do të zhvillohet në datë16 Maj dhe unë besoj që koha është e mjaftueshme me premisën e mirë të nisur dje në konferencën e kryetarëve për një dialog të hapur, konstruktiv e transparent me të tre grupet parlametare të opozitës për t’i dhenë Shqipërisë një President të të gjithë shqiptarëve.