Ish-kreu i shërbimit inteligjent saudit, Princi Al-Faisal, deklaroi se Presidenti Donald Trump nuk është një ndërmjetës i sinqertë midis botës arabe dhe Izraelit.
Në një raport nga Jeddah mbrëmë për CNBC, Princi Faisal tha se babai i tij, mbreti Faisal bin Abdul Aziz, do të zhgënjehej me marrëveshjet që Emiratet e Bashkuara Arabe dhe Bahreini nënshkruan me Izraelin, pa një zgjidhje për çështjen palestineze.
“Duhet të them se Presidenti Trump nuk ishte një ndërmjetës i sinqertë. Epo, po, unë mendoj se ish-mbreti do të zhgënjehej,” tha Princi Faisal.
Sanksionet e naftës
Princi Saudit, i cili ishte kreu i Al Mukhabarat Al Ammaha, agjencia e inteligjencës e Arabisë Saudite, tha se ambasadori i vendit të tijj në Britaninë e Madhe dhe SHBA, theksoi më tej se babai i tij dikur vendosi sanksione nafte ndaj amerikanëve në mënyrë që të detyronte fuqinë botërore të jenë një ndërmjetës i sinqertë midis Izraelit dhe botës arabe.
Mbreti Faisal, i cili drejtoi Arabinë Saudite nga 1964 në 1975, është i njohur për vendosjen e sanksioneve të naftës pas vendimit amerikan për të rritur ndihmën për Izraelin gjatë luftës arabo-izraelite të vitit 1973.
Asnjë koment nga Shtëpia e Bardhë
Shtëpia e Bardhë nuk e komentoi deklaratën e Princit Faisal, sipas CNBC.
Emiratet e Bashkuara Arabe dhe Bahreini nënshkruan marrëveshje me Izraelin në Shtëpinë e Bardhë më 15 shtator për të normalizuar marrëdhëniet, duke injoruar zemërimin palestinez. Arabia Saudite deri më tani nuk i ka dënuar ose mbështetur publikisht marrëveshjet.
