Princi i kurorës i Arabisë Saudite Mohammed bin Salman mbërriti në Doha sot për vizitën e tij të parë në Katar që kur të dy vendet tejkaluan mosmarrëveshjet e tyre në fillim të këtij viti.
Ai u mirëprit nga Emiri i Katarit Sheikh Tamim bin Hamad Al-Thani pas mbërritjes në Aeroportin Ndërkombëtar të Dohas, njoftoi agjencia shtetërore e lajmeve e Katarit, QNA.
Vizita është e para e princit saudit të kurorës në Doha që kur të dy vendet nënshkruan një marrëveshje pajtimi që i dha fund përçarjes politike më shumë se trevjeçare midis dy fqinjëve të Gjirit.
Vizita e Mohammed bin Salmanit në Katar është pjesë e një turneu në rajonin e Gjirit në të cilin ai tashmë i ka vizituar Omanin dhe Emiratet e Bashkuara Arabe për t’u përgatitur për samitin e ardhshëm të Këshillit të Bashkëpunimit të Gjirit (GCC) më 14 dhjetor. Ai gjithashtu pritet të vizitojë Bahreinin dhe Kuvajtin.