Papa Françesku vendosi të mos lexojë një fjalim të planifikuar në një konferencë të djeshme, duke shpjeguar se kishte ende probleme me frymëmarrjen pas një operacion të fundit në bark.
“Unë jam ende nën ndikimin e anestezisë, nuk po marr frymë mirë”, tha Papa Françesku në një takim të Kishës Katolike Lindore.
Ai tha se delegatët do të merrnin tekstin e fjalës së tij.
“Jam ende gjallë”, u përgjigj Papa 86-vjeçar kur u pyet se si ndihej.
Më 7 qershor, Papa iu nënshtrua një operacioni abdominal dhe kaloi nëntë ditë duke u rikuperuar në spital. Ai ka pasur një orar të ngjeshur që nga kthimi në Vatikan të premten e kaluar, duke përfshirë takime me presidentët e Kubës dhe Brazilit.
Dje, më 22 qershor, Papa kishte deri në tetë ngjarje në programin e tij.
Ndër to, edhe një takim me kryeministrin Albin Kurti.
Ky i fundit u ndal në Vatikan rrugës për në Bruksel. /tesheshi.com/