Kryeministri britanik Rishi Sunak po mendon të prezantojë disa nga masat më të ashpra kundër duhanit në botë që do të ndalonin gjeneratën e ardhshme të jetë në gjendje të blejë cigare.
Siç ka mësuar The Guardian nga një burim në qeveri, kryeministri po shqyrton masa të ngjashme me ato që Zelanda e Re miratoi dhjetorin e kaluar.
Këto përfshinin një rritje të përhershme të moshës së pirjes së duhanit në mënyrë që duhani të mos i shitej kurrë dikujt që ka lindur pas 1 janarit 2009.
Një politikë anti-duhan e stilit të Zelandës së Re do të nënkuptonte eliminimin e plotë të cigareve për brezin e ardhshëm.
Ideja e takimeve te mjeku
Nën ish-kryeministren Jacinda Ardern, Zelanda e Re miratoi gjithashtu legjislacionin për të reduktuar përmbajtjen e nikotinës në produktet e duhanit, i cili gjithashtu detyronte që cigaret të shiten vetëm në dyqanet e specializuara të duhanit, dhe jo në supermarkete.
Për më tepër, një premtim nga udhëheqja e Sunak për të gjobitur njerëzit me 10 £ nëse humbasin një takim me mjekun ose spitalin mund të rikthehet gjithashtu në tryezë, megjithëse kjo është politikisht e vështirë për t’u zbatuar, tha gazeta britanike. /tesheshi.com/