Presidenti Bajram Begaj ka dekretuar emërimin e Gjeneral Brigade Arben Kingji si Shef i Shtabit të Përgjithshëm të Forcave të Armatosura të Republikës së Shqipërisë.
Kingji, i cili u propozua nga kryeministri Edi Rama ka mbajtur deri tani detyrën e e Komandantit të Forcës Tokësore, ndërsa më herët ka drejtuar Batalionin e Mbështetjes në Shtabin e Përgjithshëm të Forcave të Armatosura.
Po ashtu ai ka mbajtur detyrën e komandantit të kontingjentit në disa misione në Afganistan e Irak.
Njoftimi i Presidencës:
Presidenti i Republikës Sh.T.Z Bajram Begaj dekretoi sot emërimin e Gjeneral Brigade Arben Voke Kingji si Shef i Shtabit të Përgjithshëm të Forcave të Armatosura të Republikës së Shqipërisë.
Gjeneral Brigade Arben Kingji mbante detyrën e Komandantit të Forcës Tokësore.
Gjeneral 1brigade Arben Kingji ka drejtuar deri më sot Forcën Tokësore të FA dhe më herët ka mbajtur detyrën e komandantit të Batalionit të Mbështetjes në Shtabin e Përgjithshëm të Forcave të Armatosura.
Gjeneral brigade Arben Kingji ka ushtruar edhe detyra të tjera si ajo e atasheut ushtarak të Republikës së Shqipërisë në Rumani. Me herët ai ka qenë edhe komandant i Policisë ushtarake. Ka kryer Kursin e Shtabit të Përgjithshëm në Akademinë e Mbrojtjes në Tiranë.
Gjeneral brigade Kingji ka mbajtur detyrën e komandantit të kontingjentit në disa misione në Afganistan e Irak.
Në vitin 2016 ai përfundoi edhe studimet për drejtësi në Winsdom University. Për kontributet e tij në Forcat e Armatosura, gjeneral brigade Arben Kingji është nderuar me disa medalje. Ai mban edhe medaljen e Artë të Shqiponjës, dhe në nga Presidenti i Republikës.
