Protesta e Berishës, reagon Basha: Hera e parë që një politikan i lartë thërret protestë kundër partisë së tij

basha-berisha-300x205.jpg

Ndajeni këtë artikull me të tjerë duke klikuar ikonat më poshtë

Pas protestës së lajmëruar nga Komisioni i Rithemelimit të PD-së në ambientet e selisë blu, ka reaguar kryedemokrati Lulzim Basha.

Në një postim në Twitter, Basha shkruan se është hera e parë që një politikan i lartë në Shqipëri shpallet “non grata” nga SHBA dhe gjithashtu thërret një protestë kundër partisë së tij, duke iu referuar ish-Kryeministrit Sali Berisha.

“Hera e parë në historinë e Shqipërisë që një politikan i lartë shpallet i padëshiruar nga SHBA, dhe po hera e parë në Shqipëri që ai thërret një protestë kundër partisë së tij – Partisë Demokratike, me motivin pse ajo nuk kthehet në bunker ku ai mund të ‘strehohet’ për tu mbrojtur”, shkruan Lulzim Basha.

Komisioni i Rithemelimit dhe Sali Berisha kanë lajmëruar protestë më 8 Janar në selinë e PD nëse Lulzim Basha nuk largohet nga zyra.

Ndajeni këtë artikull me të tjerë duke klikuar ikonat më poshtë