Mësymja e mbështetësve të Trump të armatosur në ambientet e brendshme të Kongresit amerikan është konsideruar si një përpjekje për grusht shteti nga kongresmeni republikan Adam Kinzinger.
Përmes një postimi në Twitter kongresmeni republikan del hapur kundër Trump duke i konsideruar këto veprime jo si protesta demokratike por si një grusht shteti.
“Kjo është një përpjekje grusht shteti”, shkroi Kinzinger në Twitter.
This is a coup attempt.
— Adam Kinzinger (@RepKinzinger) January 6, 2021
Kujtojmë se ligjvënësit amerikanë ndërprenë seancat që hapën pasdite për çertifikimin e votave elektorale, të cilat po zgjateshin për shkak të kundërshtimeve të disa ligjvënësve republikanë.
Udhëheqësit demokratë të Kongresit, kryetarja e Dhomës së Përfaqësuesve Nancy Pelosi si dhe udhëheqësi i pakicës së Senatit Charles Schumer, i kërkuan Presidentit Trump të bëjë thirrje që protestuesit të largoheshin menjëherë nga Kapitoli dhe zona rreth tij.
E kundërta ndodhi dhe protestuesit u përhapën kudo në ndërtesën e Kapitolit, kjo bëri që policia të shoqëronte anëtarët e Kongresit jashtë ndërtesës për arsye sigurie.
/faxweb