Dhjetëra mijëra demonstrues pro-palestinezë dolën në rrugët e qytetit suedez të Malmos të shtunën për të protestuar kundër pjesëmarrjes së Izraelit në Eurovision Song Contest.
Rreth 30,000 njerëz u mblodhën në sheshin Stortorget me ftesë të shumë organizatave joqeveritare në vend dhe kërkuan përjashtimin e Izraelit nga Eurovision Song Contest.
Demonstruesit mbanin pankarta që shkruanin “Fëmijët po vriten në Gaza”, “Stop gjenocidit” dhe “Palestinë përgjithmonë” apo “Palestine e lirë”.
Gjatë fjalimit, u theksua se Izraeli po bombardon palestinezët, duke përfshirë fëmijë, foshnja, të moshuar dhe gra, për gati 200 ditë dhe pjesëmarrja e Izraelit në Eurovizion u cilësua si “hipokrizi”, ndërsa Tel Avivi vazhdon sulmet në Rripin e Gazës, ku që nga tetori i vitit të kaluar, pothuajse 35,000 palestinezë janë vrarë.
Javën e kaluar, Unioni Evropian i Transmetuesve (EBU) vendosi të ndalojë garuesit, interpretuesit dhe fansat që të shfaqin flamuj palestinezë dhe simbole pro-palestineze gjatë Festivalit të Këngës në Eurovizion.
EBU tha se ata që përpiqen të hyjnë në Malmo Arena me një flamur palestinez ose flamur që përmban një mesazh politik do të ndalohen dhe flamujt ose pankartat do të konfiskohen.
Por ja që nuk kanë mundur dot të ndalojnë dhjetra mijëra njerëz që të dalin në rrugë kundër një shteti terrorist, siç është Izraeli.