Protestë për rritjen e çmimeve para Kryeministrisë, qytetari: Si t’ia dalim me pensionet që kemi?

protestatiranecmimet.jpg

Ndajeni këtë artikull me të tjerë duke klikuar ikonat më poshtë

Qytetarë dhe përfaqësues të shoqërisë civile kanë dalë edhe këtë të hënë në protestë kundër rritjes së çmimeve të energjisë dhe të bukës.

Për të tretën ditë me radhë, qytetarët kanë mbushur rrugën përpara kryeministrisë teksa kërkojnë llogari nga qeveria për rritjen e çmimeve.

Me pankarta nëpër duar, ata thonë se rritja e çmimeve është e përballushme për shumicën e qytetarëve të thjeshtë të cilët jetojnë me të ardhura minimale.

Një prej qytetarëve në protestë thotë se po jeton në një diktaturë më të egër se sa në periudhën e komunizmit.

Duke iu drejtuar qeverisë, ai shprehet se kryeministri ka futur në institucionet shtetërore njerëzit e partisë së tij.

“Unë kam punuar në ekonominë shqiptare. Kryeministër mendo për ne hallexhinjtë, na ke shkelur me të dyja këmbët. Unë nuk kam punuar jashtë shtetit. Sot jemi më të varfër se kurrë. Kjo qenka diktaturë për ne. Sa duhet të konsumoj unë në ditë. Ti ke futur në institucione shtetërore njerëzit e partisë. Nuk janë specialist të fushës. A ke bërë ndonjë analizë për çmimet që keni ngritur. Si do e përballojmë ne me një pension të ulët.

Ne e quanim diktaturë në atë kohë, por çmimet ishin të përballueshme. Sot marrim ilaçe të skaduara. Ushqimet janë skandaloze. Çfarëdo dhe kudo të marrësh janë me hormone. Kush pyet për neve. 140 deputetë shkojnë në Kuvend me makina luksoze, ku i gjetën të gjithë këta lekët? Po të vish në Shkozë janë dy kanale të ujërave të zeza. Unë kam kaluar COVID-inë dhe kam harxhuar 500 mijë lekë, ku i gjej unë këto lekët, jam futur në borxhe” – tha një prej qytetarëve.

Ndajeni këtë artikull me të tjerë duke klikuar ikonat më poshtë