Subscribe
Banorët e fshatit Kërçisht i Sipërm në Maqellarë të Dibrës kanë protestuar këtë të enjte me pretendimin se po u shkatërrohen burimet ujore. Ata kundërshtojnë vendimin e Bashkisë së Dibrës, e cila ka planifikuar ndërtimin e një ujësjellësi për Maqellarën.
Mëngjesin e sotëm banorët, bllokuan mjetet e bashkisë të cilat kishin shkuar aty për të riparuar rrugën.
Banorët
Të na lënë rehat, s’kanë për të na i marrë ujin, sa të jemi ne gjallë.
Presim fadromat, kërkojnë të na marrin ujin, se gjoja do bëjnë rrugën por nuk i lëmë.
Le të vazhdojnë ata , ne nuk i lëmë, çfarë duan nga ne, që të vdesim krejt këtu sa jemi?
Kjo është e disata protestë e banorëve të kësaj zone. Kërçishti i Sipërm është përzgjedhur nga qeveria si një nga 100 fshatrat turistike, ndaj dhe banorët kërkojnë investime për zhvillimin e turizmit dhe jo marrjen e ujit.
