Ishte e pritshme që Partia Socialiste t’i fitonte Bashkitë ku kandidonte e vetme me kandidatët e saj, por në Bashkinë Ura Vajgurore, ndodhi që kandidatja socialiste të fitojë me më shumë vota nga sa kishte votues. Sipas të dhënave të përcjella nga vetë Komisioni Qendror i Zgjedhjeve në Urën Vajgurore votuan 5 900 qytetarë (19.18%), por vetë KQZ-ja raporton se janë numëruar 7 666 vota për zonjën Juliana Memaj, kandidate e vetme. Kështu në mënyrë zyrtare KQZ pranoi se në kutitë e votimit ka patur 1 766 vota më tepër./ exit.al
