Zbardhen detaje nga mbledhja e Asamblesë Kombëtare të Partisë Socialiste e cila pritet të zhvillohet këtë të enjte.
Në ftesën e kreut të grupit parlamentar të PS Taulant Balla janë caktuar edhe pikat e rendit të kësaj mbledhje. Takimi do të nisë me fjalën e kryeministrit Edi Rama, më pas do të zgjidhet Kryesia e re, drejtuesit politikë të qarqeve dhe sekretariati ekzekutiv i partisë.
Njoftimi:
PARTIA SOCIALISTE E SHQIPËRISË
ASAMBLEJA KOMBËTARE
NJOFTIM
Nr.1, datë, 30.08.2021
Për thirrjen e Mbledhjes së Asamblesë Kombëtare të Partisë Socialiste
Mbështetur në Statutin e Partisë dhe në Rregulloren për Organizimin dhe Funksionimin e Asamblesë Kombëtare të Partisë Socialiste Neni 4, Sekretari i Përgjithshëm thërret Mbledhjen e Asamblesë Kombëtare me këtë rend dite:
I.Hapja e mbledhjes dhe miratimi i rendit të ditës.
II.Fjala e Kryetarit të Partisë Socialiste Edi RAMA.
III.Zgjedhja e Kryesisë së re, drejtuesve politikë të qarqeve dhe sekretariatit ekzekutiv të partisë.
KRYETARI I ASAMBLESË KOMBËTARE
Taulant Balla