Kryebashkiaku i Tiranës, Erion Veliaj në një deklaratë për mediat shpalli fitoren në Vorë, ku tha se kandidati socialist, Blerim Shera ka fituar mbi 75% të votave.
Veliaj në fjalën e tij tha se nga nesër Partia Socialiste dhe kandidati i saj do ti shërbejë të gjithë qytetarëve, edhe atyre të djathtë.
“Me një fitore 75% në Vorë, mbajeni mend. Vora që prej dy dekadash nuk thyhej, që ishte kthyer për ta në një bastion ku varej xhaketa. Vora na dha një mesazh 75% që duan të ecin përpara.
Nga nesër do ti shërbejmë 100% Vorës. Nga zgjedhjet e Vorës askush nuk është i humbur”, tha Veliaj.
Veliaj thekson se PS fitoi me 60% Bashkinë e Kamzës, për t’i shërbyer me dashuri e përkushtim 100% qytetarëve të saj.
“Fitorja e parë në rang vendi vjen nga Qarku i Tiranës. Fituam me 60% Bashkinë e Kamzës, për t’i shërbyer me dashuri e përkushtim 100% të qytetarëve të saj. Bravo Rakipit dhe skuadrës së tij, dhe punë të mbarë nga nesër për t’a çuar Kamzën gjithnjë e më përpara”, thote Veliaj.