Socialistët janë tërhequr nga zhvillimi i seancës plenare këtë javë, pasi opozita bllokoi Kuvendit. Kryetari i Grupit ka infomuar deputetët e PS-së se seanca e radhës do të zhvillohet më 30 tetor.
“Kolegë nuk do te zhvillojmë seancë këtë javë. Seanca e radhës , të hënën, më 30 Tetor, për çështjet e zgjedhësve.
Vijojmë në ditët në vazhdim nëpër zona, me vendimet që u morën në mbledhjen e Grupit”, shkruhet në mesazhin drejtuar deputetëve të PS.
Ndërkohë deputetët e opozitës vazhdojnë të jenë të ngujuar brenda sallës së Parlamentit.
Ata kanë paralajmëruar se nuk do të lejojnë të zhvillohen seanca parlamentare normale.