Sekretari për çështjet ligjore në PD, Indrit Stefa në një intervistë për Panorama Tv tha se gjuha e përdorur nga kryeministri Edi Rama në fushatë është bullizuese dhe se PS po bën fushatë tallavaje.
Sefa tha se vetë opozita duhet të jetë anti-kodi për qeverinë dhe t’i tregojë qytetarëve dështimet e qeverisë dhe jo të humbasë fokusin në tallavanë e Ramës.
Sakaq theksoi se PD ka reflektuar dhe se në zgjedhjet e 14 majt po vjen me ide konkrete për qytetarët dhe është e hapur për të gjithë.
Pjesë nga intervista:
“Duhet të bëjmë ndarjen nga e kaluara dhe ti themi qytetarëve që ne reflektojmë”.
Gjuha e Ramës në fushatë, a ju duket bullizuese dhe seksiste?
Është taktikë e përdorur prej vitesh, por ne nuk duhet të vëmë në lojën e tij. Duhet të dalim me një fushatë idesh dhe mos ti shkojmë pas lojës, ne kemi program dhe ide. Mënyra e folur me qytetarët në mënyrë të qartë, PS bën fushatë tallavaje pasi nuk ka ide dhe arritje në qeverisje. Alternativa e opozitës duhet të jetë e kundër, të jemi antikodi. Do dalim në mënyrë serioze dhe të pranojmë gabimet.
Rama ka kërcënuar se bashkitë që do fitojnë opozitarët nuk do e kenë mbështetjen e qeverisë, si e komentoni?
Është e paligjshme, kush është kryeministri që të bëjë diferencime. Ka detyrime, nuk mund ta bëjë dhe pse arroganca e tij ka arritur kulmin, ai e bën Shkodrës nuk i ka dhënë asnjë lek. Kriza e opozitës e lehtëson. Kryeministri ligjërish nuk mund ta bëjë, por shkeljet e vazhdueshme kërkojnë një unitet të opozitës në parlament dhe të marrin masa konkrete ligjore. Njerëzit merren me tallava, por opozita duhet të veprojë. Publiciteti që i bëhet deklaratave bën që të tërheq opozitën, duhen injoruar. Këto veprime e humbasin fokusin, po kthehemi në shoqëri skupesh dhe ndikohet nga tallavaja, opozita duhet të japë alternativë konkrete.
Fotografia e Belind Këlliçit?
Politikën tallava e ka shpikur kryeministri, nëse kërkon të mundësh atë me armët e veta nuk e realizon. Duhet të ketë alternativën e vetë, nëse pretendon se do e mundësh me tallavanë e tyre nuk besoj se ka rezultat. Opozita të jetë antikodi i qeverisë, ti vendosë në pak premtimet e pambajtura.
Pritshmëritë e PD në zgjedhje?
PD është në luftë, u zvarrit në mënyrë të vazhdueshme. Gjithë problematika në KQZ e me radhë, mendoj që jemi në situatë që detyra është ti tregojë se çfarë do jetë më pas. PD ka reflektuar dhe do jetë e hapur për të gjithë, shpresoj që qytetarët të reflektojnë. Vota e tyre ku na çon, PD kishte shpresë për të ardhur në pushtet. Qytetarët të arsyetojnë, nëse duan që të kenë një PD e cila nuk ka peshën e të kaluar dhe mendon në mënyrë të drejtë. Pa ndryshuar PD nuk ndryshohet Shqipëria, ne si anëtarë ti japim mundësi të gjithëve.
