Shumë familje në Gazën e bllokuar shkruajnë emrat e fëmijëve të tyre në duar dhe pëllëmbë për t’i bërë më të lehtë gjetjen ose identifikimin e tyre pas sulmeve izraelite.
Qindra njerëz u vranë dhe u plagosën në një sulm izraelit në Spitalin Baptist al-Ahli më 17 tetor. Zyrtarët thonë se shpesh është e vështirë të përcaktohet identiteti i disa prej të vrarëve në sulm.
Shumë banorë të Gazës kanë frikë se nuk do të jenë në gjendje t’i njohin fëmijët nëse ata vdesin në sulme.
Kjo është arsyeja pse shumë banorë shkruajnë emra në pëllëmbët e fëmijëve të tyre në mënyrë që ata të mund të identifikohen lehtësisht në rast se vriten nga sulmet izraelite.
Children in Palestine’s besieged Gaza enclave are having their names written on their hands to facilitate the identification of their bodies in case they are killed in an Israeli attack pic.twitter.com/C33bhoT16N
— TRT World (@trtworld) October 20, 2023
Ahmed Abu es-Seba, 35 vjeç, i cili jeton në Kompleksin Mjekësor Shifa, ka shkruar emrin e tij në pëllëmbët e tij, si dhe emrat e fëmijëve dhe të afërmve të tij.
“Ne shkruajmë emrat tanë në pëllëmbët tona, si dhe emrat e fëmijëve tanë në mënyrë që trupat të mund të identifikohen në rast se aeroplanët izraelitë na bombardojnë”, tha es-Seba.
Ai theksoi se është e vështirë të identifikohen shumë njerëz, veçanërisht fëmijët, të cilët janë vrarë në Gaza.
“Izraeli nuk diferencon dhe bombardon të gjithë”, tha ky palestinez.
Sipas Ministrisë palestineze të Shëndetësisë, numri i të vdekurve në Gaza gjatë bombardimeve izraelite është rritur në 4,137 dhe numri i të plagosurve në 13,300, ndërsa më shumë se një mijë persona janë të zhdukur.