Media e Pekinit raporton se Irani ka vendosur të blejë avionin luftarak të Kinës, Chengdu J-10, në vend të avionëve MiG-35 të Rusisë.
Vendimi është i papritur pasi ekziston një hendek i madh midis dy avionëve përsa i përket specifikimeve teknike, natyrisht në favor të MiG 35, por çmimi dhe mënyra e pagesës thuhet se kanë luajtur një rol vendimtar.
Sipas planeve të mëparshme, Irani dëshironte të blinte 14 avionë luftarakë MiG-35 nga Rusia për shumën prej 1.5 miliardë dollarë (107 milion dollarë për aeroplan). Por oferta kineze është më e lirë: Me rreth 1.5 miliardë dollarë, ato ofrojnë 36 ekzemplarë Chengdu J-10.
Për më tepër, Irani do të jetë në gjendje të paguajë Chengdu-në me naftë, dhe një faktor i rëndësishëm është që aeroplanët e parë mund të dorëzohen që në fillim të këtij viti. Ende nuk është e sigurt se si do të zbatohet kjo marrëveshje në një situatë kur SHBA sanksionon të gjithë ata që bëjnë biznes me Iranin.
Në Teheran ata nuk ishin të kënaqur me ofertën ruse: MiG-ët e para nuk do të dorëzoheshin para vitit 2022, ato do të bliheshin me para të thata dhe me një dorë, ndërkohë që ekziston problemi kronik i pamundësisë për të marrë shpejt pjesët e këmbimit.
Chengdu J-10 është një aeroplan luftarak multifunksional dhe që e bën të famshëm ka të bëjë me ngjashmërinë e habitshme me aeroplanin luftarak IAI Lavi të zhvilluar nga Izraeli në vitet 1980. Pasi u zhvilluan tre prototipe, amerikanët e detyruan Izraelin të ndalonte IAI Levi nga frika se mund të konkurronte F-16 e tyre.
